“Markina-Xemein eta inguruetako EZTON/K ETA BAIDON/K” liburua ilustratu, argazkiak atera, diseinatu eta maketatu dugu. Unitate didaktikoaren bidez hitanoa eta alokutiboa balioan jarri nahi izan dute proiektua landu duten AEK-ko irakasleek. Unitate didaktikoak bi argitalpen biltzen ditu: irakasleen koadernoa eta ikasleena. Markina-Xemeingo ikastetxeetan banatuko dute.
Mundakako udalarentzat poltsiko tamainako hiztegitxoak egin ditugu. Katalan, ingeles, frantses eta gaztelanierazko oinarrizko hiztegia euskaraz jaso dugu.
Ondarroako Udaleko Euskara Sailaren ekimenez, 11 bideo umoretsu egin ditugu herriko ikastetxe, merkatari eta ostalarien parte hartzearekin eta euskara akatsak zuzentzeko borondatez. Dokumentazioaz, gidoigintzaz, grabaketaz eta edizioaz arduratu gara, eta emaitza ederrak lortu ditugu. Bideoak Ondarroako Udalaren sare sozialetatik zabaldu dira, igandero bat.
Markina-Xemeingo Udaleko Euskara zerbitzuak berba xelebreak zerrendatu ditu, eta guk materiala bildu, ordenatu eta maketatu egin dugu liburuxka honetan. Hitz batzuk ondo ulertzeko, ilustrazioen laguntza behar izan dute. Emaitza ederra gelditu da!
